Klinika psikologjike “Urtësia” në bashkëpunim me departamentin e Psikologjisë në KU “Wisdom” organizuan ditën e enjte date 21 Janar një takim në platfomën “Zoom” me psikologen e njohur Lorela Garuli. Autore e disa librave Garuli prezantoi njërin prej tyre me titull “Zbulo fëmijën tënd”. Studentë e pedagog e kthyen këtë takim në një bashkëbisedim interaktiv lidhur me vizatimet e fëmijëve dhe interpretimin e tyre. Psikologia Garuli ndau me pjesëmarrësit detaje dhe raste konkrete duke sjellë në vemendje vizatime të cilat kanë zbuluar të vërteta tronditëse lidhur me fëmijët. Ajo theksoi rëndësinë e vizatimeve, por shpjegoi gjithashtu se bashkëbisedimi me fëmijët dhe shpjegimet e tyre janë po aq thelbësore.
