Misioni i sektorit të Kërkimit Shkencor është:

Të krijojë, të zhvillojë, të përhapë, të konsolidojë dhe të mbrojë një bazë të gjerë dijesh në shërbim të vendit me anë të mësimdhënies, të kërkimit shkencor, si dhe të shërbimeve të tjera në shkencat juridike, ekonomike dhe shoqërore.

Kolegji Universitar “Wisdom” do të organizojë në mënyrë periodike aktivitete shkencore dhe do të përqendrohet:

• • në hartimin dhe zbatimin e projekteve të ndryshme shkencore

• • në përkrahjen e projekteve të kërkimeve individuale apo kolektive të stafit akademik

• • në realizimin e lidhjes së kërkimit shkencor me procesin mësimor

• • në kultivimin dhe forcimin e aktiviteteve të kërkimit shkencor

• • në vendosjen e marrëdhënieve bashkëpunuese me institucione të tjera të arsimit të lartë dhe ato të kërkimit shkencor në veçanti, vendase dhe të huaja

• në promovimin e vlerave studimore përmes dhënies së çmimeve sipas çdo merite

Kolegjit Universitar “Wisdom” ka arritur me sukses të botojë një revistë shkencore periodike e cila është shndërruar në një zë të rëndësishëm të kërkimit shkencor në institucionin tonë.


Kërkimi Shkencor, si sektor i një rëndësie të veçantë në vendet në zhvillim, siç është edhe vendi ynë, është kthyer në një prioritet kombëtar. Për këtë arsye në institucion është ngritur infrastruktura e nevojshme lidhur me këtë sektor, përkrah strukturave të tjera akademike.

Njësia Shkencore dhe e Marrëdhënieve me Jashtë, respektivisht për Fakultetin e Shkencave Ekonomike dhe Shoqërore, është krijuar me qëllimin e posaçëm për të realizuar tregues të matshëm në fushën e Kërkimit Shkencor. Kërkimi shkencor është forca e gravitetit akademik në Kolegjin Universitar “Wisdom”.